प्रयागराज अमृतस्नानमा जुट्दै साधुसन्त

चितवन,१६,माघ । भारतको प्रसिद्ध प्रयागराजमा लागिरहेको महाकुम्भ मेलामा अमृत स्नान चलिरहेको छ । आज राती १ बजे पछाडी भएको भागदौडको घटनाले आज विहान अखडा समाजले मौनी शाही स्नान रद्ध गरेको थियो ा विस्तारै स्थिती सामान्य हुदै गएपछि अमृत स्नान सञ्चालन  गरिएको भारतीय सञ्चार माध्यमहरुले जनाएका छन् । आफ्ना आफ्ना अखडाका साधुसन्त बाजा गाजाँ सहित रथारोहण सहित अमृत स्नानका गर्न संगम तर्फ लागेका छन् । आकाशमा पुष्प वृष्टी गरिएको छ । सञ्चार माध्यमका अनुसार ८ करोड भन्दा बढी श्रद्धालुहरु प्रयागराजमा रहेका छन् । आज राती देखि नै भक्तहरु विहानको शुभ मुर्हतमा स्नान गर्नका लागि राती देखि नै संगममा भिड लागेको थियो । भिडको कारण नै भागदौड मच्चिएको अधिकारीहरुले बताएका छन् । आज राती भएको भागदौडमा २० जनाको मृत्यु भएको समाचारहरु आएका छन् । मृत्यु हुनेको सख्या अझै बढ्न सक्ने बताइएको छ । मकर स्रकान्तिबाट शुरु भएको मेलामा हाल सम्म २० करोड भन्दा बढीले स्नान गरेका छन् ।