यज्ञकुण्डमा एकैपटक १२०० सय साधक हवन गदै्

्मोहीनी निधी
धरान

नेपालमा नै पहिलो पटक श्री राम तारकबह्रम महायज्ञ पुर्वि नेपाल को प्रसिद्ध वराहक्षेत्र चतराधाममा चलिरहेको छ । महायोगी सिद्धवाबा आध्यिात्मि प्रतिष्ठान जगदगुरु श्रीरामानन्दार्चाय सेवापिठको आयोजनामा गत माघ २७ गते देखि सो महायज्ञ शुरु भएको हो । महायज्ञको राष्ट्रपति विद्यादेवी भण्डारीले एक विशेष समारोहका विच गत शनिवार उद्घाटन गरिन् । सोही क्रमममा राष्ट्रपति भण्डारीले रामानन्द सेवापीठले निर्माण गरेका १२२ कोठे नव निर्मित अतिथी आवासगृहको उद्घाटन गर्नुका साथै हरित क्रान्ति अभियानको घोषण समेत गरिन् ।
र
महायज्ञको उद्घाटन कार्यक्रममा उनले चतराधाम मुलुकै उत्कृष्ट धार्मिक गन्तव्य भएको र रामनन्दाचार्य सेवापीठको सक्रियतामा भएको सो महायज्ञले वराहक्षेत्रको गरिमा बढाएको समेत बताइन् । ‘यहाँ जडिबुटी प्रशोधन केन्द्र बनाएर नेपाललाई चाहिने औषधी आफैँ बनाउन सकिन्छ ‘, राष्ट्रपति भण्डारीले भनिन् । सो क्रममा औषधी प्रजाती अगराको विरुवा वितरण समेत गरिएको थियो ।
कार्यक्रममा प्रदेश नं १ का मुख्यमन्त्री शेरधन राईले बराहक्षेत्र प्रदेश नं १ को प्रमुख धार्मिक पर्यटकीय गन्तव्य भएकोले यसका लागि प्रदेश सरकारले पनि लगानी गर्न लागेको बताए । महायज्ञको उद्घाटन समारोहमा सो प्रदेश , क्षेत्र र स्थानिय तीनै तहका जनप्रतिनिधी , समाजसेवी धार्मिक तथा आध्यात्मिक जनहरुको उपस्थिती समेत रहेको थियो । महायज्ञमा भारतका विभिन्न क्षेत्रका जगद्गुरु, पीठाधीस र सन्तमहन्तहरु चतराधाम आएका आयोजनकले जनाएका छन् ।
यस नेपालमा नै पहिलोपटक र विश्वमा ७०५ वर्ष पछि हुन लागेको आयोजकको भनाई रहेको छ । तारकबह्रम महायज्ञको संकल्पकर्ता
रामानन्दाचार्य सेवापीठका पिठाधिस महायोगी सिद्धबाबा श्री श्री १००८ श्री वैण्णव कृष्णदास जी महाराज का अनुसार तारकब्रम्ह मन्त्र जप गरेर गरिने होम नै तारकब्रम्ह महायज्ञ हो । यो मन्त्र पौराणिक कालमा देवताले जप गर्ने गर्दथे । पछि पृथ्वी जगतको कल्याणका लागि ठूला महाराजाले यो यज्ञ लगाउने गरेका थिए । यो मन्त्रको जप गरेर होम गर्दा उत्पन्न धुवाँबाट वायुमण्डललाई शुद्ध बनाउने तत्वहरु उत्पन्न हुने गर्दछ ।

महायज्ञ परिसरमा खर ,वास लगायतको सामाग्रीबाट ९ तले यज्ञमण्डप बनाइएको छ जसमा
हवनका लागि विभिन्न १०८ कलात्मक शैलीका हवनकुण्ड पनि बनाइएका छन् । यही कुण्डमा १२०० साधकले यतिखेर शुद्ध आचरणमा बसि हवन गरिहरहेका छन् । यज्ञ समापनको दिनसम्म साधकहरुले १६ करोड हवानाचार्यसहित एक अर्ब ६० करोड पटक ‘तारकब्रम्ह मन्त्र’ जप गर्नेछन् । १४ करोडको लागतमा आयोजना भइरहेको महायज्ञको समापन एक विशेष समारोहका बिच फागुन ७ गते हुनेछ ।