बालिका आश्रमका छोरीहरु कालिका विद्यापीठमा चम्किदै
गैडाकोट, मंसिर,४ । भरतपुर १ देवघाटधांममा रहेको लोक कल्याण सेवा प्रतिष्ठान द्वारा संचालित श्री रामजानकी बालिका आश्रम देवघाटमा रहेका बालिकाहरु पुरस्कृत भएका छन् । कालिका संस्कृत विद्यापीठ गैडांकोटमा शास्त्री तहमा अध्यनरत उनीहरुलाई गत कार्तिक मसान्तका दिन एक कार्यक्रमका बिच पुरस्कृत गरिएको हो ।

नेपाल सस्कृत विश्वविद्यालयका कुलसचिव प्राध्यापक माधव अधिकारीको प्रमुख आतिथ्यतामा सम्पन्न सो कार्यक्रम कालिका संस्कृत विद्यापीठमा सञ्चालक समितिका अध्यक्ष ओमप्रसाद सापकोटाको अध्यक्षतामा सम्पन्न भएको थियो । सो अवसरमा आश्रमका अध्यक्ष सावित्री टण्डन, नेपाल सस्कृत विश्वविद्यालय कर्मचारी संघका केन्द्रीय सदस्य– लेखा अधिकृत बेलबहादुर दराई, प्राध्यापक संघ, कार्यवाहक अध्यक्ष सहप्रा. डा. मतिप्रसाद ढकाल, कालिका संस्कृत विद्यापीठ प्राचार्य डा. केशवराज चालिसे, लगायतले बोल्नुभएको थियो उक्त अवसरमा शास्त्री प्रथम, द्वितीय, तृतीय र चतुर्थ खण्डमा क्रमशः प्रथम, द्वितीय र तृतीय स्थान हासिल गर्ने विद्यार्थीहरूलाई पुरस्कृत गरिएको छ । पुरस्कृत हुनेहरुमा शास्त्री चतुर्थ वर्षमा अध्यनरत स्मृति टण्डन जसले तृतीय स्थान हासिल गर्नुभएको छ । त्यसैगरी द्वितीय वर्षमा अध्यनरत सुनिता बटाला – प्रथम स्थान हासिल गर्नुभएको छ भने शास्त्री कै
प्रथम वर्षमा अध्यनरत राधिका लम्साल– तृतीय स्थान हासिल गर्नुभएको छ । आश्रमका तीनै छोरीहरुले भागवत वाचन लगायत विभिन्न धार्मिक अनुष्ठानमा अब्बलता हासिल गर्दे आउनुभएको छ ।१५ बर्षअघि स्थापना भएको यस बालिका आश्रममा हाल ३६ जना छोरीहर आवाशिय सुविद्याका साथ अध्यन गदैे आइरहेका छन् ।









प्रतिकृया दिनुहोस