मंसिर,७, चितवन । गोरखा जिल्लामा रहेको विश्वकै प्रसिद्ध शक्तिपिठ मनकामना भगवतीको उपाशना ,दर्शन अब भारतको मुम्बई मिरारोडमा गर्न पाईने भएको छ । त्यहाँ रहनुभएका नेपाली समुदायहरुको एकता ,भाईचारा र वैदिक सनातन सस्कृतिको संरक्षणका लागि खोलिएको सस्था मनकामना एकता फाउण्डेशनले यस्तो अवसर जुटाउने भएको हो । फाउन्डेसन कै पहलमा भारतको महाराष्ट्र मुम्बईको मिरा रोड, ठाणेमा नेपाली समुदायहरुबाट मनकामना मन्दिर निमार्ण गरिएको छ । सो मन्दिरमा मंसिरको दोस्रो हप्ता भव्य समारोहका बिच मनकामना माताको मूर्तिको प्राण प्रतिष्ठा गरिदै छ । मनकामना मूर्तिको प्राण प्रतिष्ठाका लागि गत विहिवार फान्डेसनका प्रतिनिधीहरु तिलकमल खड्का , होम प्रसाद पान्डे , सावित्री सुनाम र गोपाल सुनामको टोली मनकामना मन्दिर आउनुभएको थियो । सो क्रममा उहाँहरुले मन्दिरका मुख्य पुजारी ईन्सान थापा, मनकामना क्षेत्र विकासका पूर्व अध्यक्ष दिनेस जोशी लगायतसगँ पनि भेटघाट गर्नुभई मन्दिरका पुजाँ अनुष्ठान र प्रज्वलित दिप लग्ने बिषयमा परार्मश गर्नुभयो । मुख्य पुजारीकै निर्शेशन अनुसार शुक्रवार दिउसो मनकामना मन्दिर भित्रबाट विशेष ,पुजा विधि र अनुष्ठान गरी प्रज्वलित दिपसगै टोलीका सबैले मन्दिर परिसर परिक्रमा गर्नुभएको थियो । फान्डेसनका सदस्य तिलकमल खड्काले मुम्बईमा वस्ने नेपालीसमुदायहरुमा गोरखा मनकामना माईको महत्व र विश्वास धेरै रहेको बताउनु भयो । त्यही विश्वासका आधारमा आफूहरुले विभिन्न चुनौतीका बिच मन्दिर निमार्ण गरी प्रज्वलित दिप सहितको कष्टपूर्ण यात्रा तय गरेको बताउनु भयो । सो अवसरमा क्षेत्र विकासका पूर्व अध्यक्ष दिनेश जोशीले गोरखाको मनकामना शक्तिपिठको महत्व अद्धितिय रहेको भन्नुहुदै भारत क्षेत्रमा पनि मनकामनाको प्रचारप्रसार हुन सहयोग पुग्ने भनाई राख्नु भयो । उहाँले मनकामना भगवती प्रतिको विश्वास जगाउन यहाँ आउन नसक्ने,नभ्याउनेहरुको लागि त्यहाँ निर्मित मन्दिरले भगवतीसगँ समर्पित हुनेहरुका लागि अतिनै सहयोग पुग्ने बताउनुभयो । उहाँले मुम्बईका नेपालीका लागि मात्र नभई सनातनी भारतीय बिच पनि मनकामना भगवतीको महिमा बढ्ने भन्नुहुदै फान्उन्डेसन प्रति आभार प्रकट गर्नभयो । फाउन्डसनका टोली मनकामना केबलकारबाट चितवन ,नवलपरासी ,रुपन्देही जिल्ला हुदै सुनौली नाकाबाट भारत प्रवेश गर्नुभएको हो । चितवनको मुग्लिन बजारमा उहाँहरुलाई त्यहाँको शिवशक्ति भजन मन्डली समूहले भजनकिर्तनका साथमा स्वागत पनि गर्नुभएको थियो । उहाँहरु यतिखेर मुम्बई पुगिस्कुनुभएको छ । । नेपाली धर्म, संस्कृति र परम्पराको संरक्षण तथा प्रवद्र्धन गर्ने उद्देश्यले नवनिर्मित मनकामना माता मन्दिरमा श्री मनकामना माता मूर्तिको प्राण प्रतिष्ठा कै ला िभव्य महोत्सवको समेत आयोजना गरिएको फाउन्डेसनका अध्यक्ष मोतिलाल न्यौपानेले जानकारी गराउनु भयो । महोत्सव कै क्रममा भजन किर्तन लगायतका धार्मिक अनुष्ठानका साथै ,सांस्कृतिक कार्यक्रम, प्रसाद वितरण तथा विभिन्न सामाजिक गतिविधिहरू आयोजना गरिएको महासचिव केशवराज काफ्लेले जानकारी गराउनु भयो । महोत्सव आगामी मंसिर ९ गते देखि १४ गते (२५ नोभेम्बर देखि ३० नोभेम्बर सम्म श्री मनकामना माता मन्दिर, मिरा रोड, ठाणेमा सम्पन्न हुदैछ । जसअन्र्गत मंसिर १३ गते (२९ नोभेम्बर २०२५¬) शनिवार का दिन मुख्य मनकामना भगवतीको मूर्तिको प्राण प्रतिष्ठा विधि, महा हवन, पूर्णाहुति, आरती, सामुहिक भण्डारा र प्रसाद वितरणको कार्यक्रम रहेको छ । महोत्सको अन्तिम दिन मंसिर १४ गते (३० नोभेम्बर २०२५) आइतवारको दिन विशेष कार्यक्रममा बिच महोत्सवको समापन गरिने भएको छ एकता फाउन्डेसनले मुम्बई र वरपर बसोबास गर्ने सम्पूर्ण नेपाली समुदायको बिच हुने यस महान कार्यक्रम सबैलाई सहभागी हुन आव्रहान समेत गरेको छ ।
फाउन्डेसनका उपाध्यक्ष शुशिला रेग्मीले फाउन्डेसन कै गरिमा सगँ जोडिएको कार्यक्रम भएको भन्नुहुदै यस गौरवमय कार्यक्रमलाई सफल बनाउन त्यहाँ रहेका नेपाली समुदायलाई अनुरोध पनि गर्नुभएको छ । एकता फाउन्डेसनले यस अघि पनि नेपाली समुदायसगँ केन्द्रित विभिन्न कार्यक्रमहरु गदै आएको छ । सामाजीक का साथसाथै मानवीय सरोकारका विषयमा पनि विभिन्न कार्यक्रम गर्ने गरेको फाउन्डेसनका प्रमुख सल्लाहकार शालिग्राम तिवारीले वताउनुभयो । उहांले फाउन्डेसनमा ५सय ५० भन्दा बढी सदस्यहरु जोडिनुभएको प्रमुख सल्लाहकार तिवारीले जानकारी दिनुभयो ।
प्रतिकृया दिनुहोस