मुम्बईमा मनकामना माताको मूर्तिको प्राण प्रतिष्ठा गरिदै

भारतको महाराष्ट्र मुम्बई  मिरा रोड, ठाणेमा  नेपाली समुदायहरुबाट  निमार्ण गरिएको मनकामना  मन्दिरमा  मनकामना माताको  मूर्तिको प्राण प्रतिष्ठा गरिने भएको छ । आगामी मंसिरको दोस्रोसाता श्री मनकामना माता मुर्ति प्राण प्रतिष्ठा महोत्सव २०८२(२०२५)को आयोजना गरि  माता मनकामना मूर्तिको प्राण प्रतिष्ठा गर्न लागिएको हो ।
 भारतको महाराष्ट्रमा रहनुभएका  नेपाली समुदायको  , एकता भाईचाराको लागि खोलिएको  मनकामना एकता फाउण्डेशनको आयोजनामा प्राण प्रतिष्ठा महोत्सव हुने भएको हो ।  नेपाली धर्म, संस्कृति र परम्पराको संरक्षण तथा प्रवद्र्धन गर्ने उद्देश्यले नवनिर्मित मनकामना माता मन्दिरमा श्री मनकामना माता मूर्तिको प्राण प्रतिष्ठा महोत्सवको भव्य आयोजना गरिएको फाउन्डेसनका अध्यक्ष मोतिलाल न्यौपानेले जानकारी गराउनु भयो । उहाँले 
महोत्सव आगामी मंसिर ९ गते देखि १४ गते (२५ नोभेम्बर देखि ३० नोभेम्बर सम्म  श्री मनकामना माता मन्दिर, मिरा रोड, ठाणेमा सम्पन्न आयोजना हुने बताउनुभयो  ।  महोत्सव कै क्रममा भजन किर्तन लगायतका धार्मिक अनुष्ठानका साथै ,सांस्कृतिक कार्यक्रम, प्रसाद वितरण तथा विभिन्न सामाजिक गतिविधिहरू  आयोजना गरिएको महासचिव केशवराज काफ्लेले जानकारी गराउनु भयो । उहाँका अनुसार महोत्सवको पहिलो दिन  मंसिर ९ गते २०८२ ( २५ नोभेम्बर २०२५ ¬)मंगलवारका दिनघटस्थापना एवं मंगलाचरण, वेदपाठ, देवी आह्वान एवं कलश स्थापन( पन्चेबाजा सहित कलश यात्रा) कार्यक्रम तय गरिएको छ । दोस्रो दिन मंसिर १० गते (२६ नोभेम्बर २०२५) बुधवारका दिन  विशेष पूजन एवं हवन प्रारम्भ र भजन किर्तन गरिने छ । मंसिर ११ गते २०८२ (
२७ नोभेम्बर २०२५)बिहीबारका दिन  नवग्रह पूजन, रुद्राभिषेक,भक्तजनद्वारा सामूहिक आरतीको कार्यक्रम तय गरिएको छ । यसैगरिी मंसिर १२ गते (२८ नोभेम्बर २०२५) शुक्रवारका दिन  देवी भागवत कथा वाचन एवं सांस्कृतिक कार्यक्रम तथा भजन सं
ध्या रहेको छ । 
मंसिर १३ गते (२९ नोभेम्बर २०२५¬) शनिवार का दिन मुख्य मूर्तिको  प्राण प्रतिष्ठा विधि, महा हवन, पूर्णाहुति, आरती, सामुहिक भण्डारा र  प्रसाद वितरणको कार्यक्रम रहेको छ । 
महोत्सको  अन्तिम दिन मंसिर १४ गते (३० नोभेम्बर २०२५) आइतवारको दिन विशेष कार्यक्रममा बिच महोत्सवको  समापन गरिने भएको छ । सोहि अवसरमा  आशीर्वचन एवं धन्यवाद ज्ञापनको कार्यक्रम समेत आयोजना गरिएको छ ।
एकता फाउन्डेसनले  मुम्बई र वरपर बसोबास गर्ने सम्पूर्ण नेपाली समुदायको बिच हुने यस महान कार्यक्रम सबैलाई सहभागी हुन आव्रहान समेत गरेको छ । फाउन्डेसनका उपाध्यक्ष शुशिला रेग्मीले फाउन्डेसन कै गरिमा सगँ जोडिएको कार्यक्रम भएको भन्नुहुदै यस गौरवमय कार्यक्रमलाई सफल बनाउन त्यहाँ रहेका नेपाली समुदायालाई अनुरोध पनि गर्नुभएको छ । एकता फाउन्डेसनले यस अघि पनि  नेपाली समुदायसगँ केन्द्रित विभिन्न कार्यक्रमहरु गदै आएको छ । सामाजीक का साथसाथै मानवीय सरोकारका विषयमा पनि विभिन्न कार्यक्रम गर्ने गरेको  छ । 

प्रतिकृया दिनुहोस

साताको लोकपृय

पंचगव्य चिकित्सा किन?

हाम्रो शरीर जुन पाँच महाभुतहरु ( 5 compound element) बाट बनेको छ ति सबै गऊताको गव्यहरुमा उपलब्ध छ...