श्रीगजेन्द्रमोक्ष नारायण – मुक्तिनाथ रथयात्रा एवं षाड्मासिक श्रीमुक्तिनाथ महोत्सव हुदै

चितवन ,चैत १७ । यही रामनवममी देखि आगामी बिजयादशी सम्म अनन्तश्रीविभुषित  मुक्तिनाथपीठाधीश्वर स्वामी श्रीजी महाराजको सत्सङ्कल्पमा षाड्मासिक श्री मुक्तिनाथ महोत्सव  हुने भएको छ । वैदिक सनातनीहरुको पावन भूमी मुस्ता ङ जिल्लाको मूक्तिनाथ क्षेत्रमा गरिन लागिएको सो धामिक महोत्सव पूर्व रथयात्रा समेत गरिन लागिएको हो । यही चैत्र १८ गते श्रीगजेन्द्रमोक्षदिव्यधाम त्रिवेणी नवलपरासी देखि  शूरु गरिने रथयात्रा चैत्र २२ गते मुक्तिनाथ क्षेत्र सम्म गरिन लागिएको आयोजकले जनाएको छ ।  नेपाल  तीर्थस्थल विकास राष्ट्रिय समिति श्रीगजेन्द्रमोक्षदिव्यधाम र श्रीसर्वसिद्धिधाम पञ्चकोट विकास परिषद् श्री गण्डकी महासभाको आयोजनामा सो कार्यक्रम गर्न लागिएको बताईएको छ । श्रीगजेन्द्रमोक्षदिव्यधाम त्रिवेणी नवलपरासीबाट १८ गते विहान ८बजे देखि  शूरु गरिने रथयात्रा विहान ९ बजेर रानीनगर ,९.४५ बजे गोपिगञ्ज, विहान १०.३० बजे वर्दघाट हुदै विहान ११.३० बजे दुम्किबास, मध्यान्न १२ बजे अरुणखोला क्षेत्र आईपुग्ने छ  त्यसैगरी सो रथयात्रा दिउसो १ बजे नवलपुर जिल्लाको कावासोती , दिउसो २ बजे पिप्रहर , दिउसो ३ बजे गैडाकोट र अपरान्न ४ बजे नारायणगढ पुलचोक आउने जनाईएको छ । नारायणगढ पुलचोकबाट ,बेलचोक हुदै लंकु धर्मचोक यज्ञपुरी चोक , नवदुर्गाचोक ,हरिर्कितन चोक , अद्धैतचोक , पुनः धर्मचोक ,धर्मचोकबाट चौबीसकोठी हुदै पुन पुलचोकबाट देवघाटमा गएर रात्री विश्राम गरिने बताईएको छ । चितवनमा शनि

वार पत्रकारहरुलाई रथयात्राको बारेमा समेत जानकारी गराईएको छ । चितवन शाखाका अध्यक्ष टिकाराम कण्डेलको अध्यक्षतामा भएको सो पत्रकार सम्मेलनमा संविधान सभा सदस्य आध्यात्मिक तथा सामाजिक व्याक्तित्व गीता वाग्ले , साहित्यकार समाजसेवी श्रीभक्क्त अच्युत वाग्ले , आध्यात्मिक तथा सामाजिक व्याक्तित्व शाखा सचिव फुलनाथ न्युरे , ठाकुर कण्डेल, कमलनयन कण्डेल, लगायतको उपस्थित रहेको थियो । सो क्रममा रथयात्राको दर्शन मात्र पनि पुण्य प्राप्त हुने भन्दै भक्तहरुलाई  रथयात्रा गरिने चोकहरुमा उपस्थितीको  हुन समेत आग्रह गरिएको छ । 
चैत १९ गते विहान देवघाटधामबाट शूरु गरिने रथयात्रा कास्कीको रामघाट स्थित सन्तसेवा आश्रममा  पुगेर रात्रीविश्राम गरिने छ भने , २०  गते विहान पोखराबाट बागलुङ
जिल्लाको पञ्चकोटमा रात्रीविश्राम गरिने छ । चैत २१ गते पञ्चकोटबाट शुुरु रथयात्रा  मुस्ता ङ
को जोमसोममा रात्रीविश्राम गरिने छ भने २२ गते जोमसोमबाट शूरु गरिने रथ यात्रा श्रीमुक्तिनाथ परिसरमा पुगी विश्राम गरिने छ । चैत २३ गते अखण्डभगवद् नाम हरेराम संकीर्तन तथा पुवाङ्ग
र्
  गरिने छ । यसैगरी चैत २४ गते रामनवमी पर्वको पावन दिनका दिन षाड्मासिक श्रीमुक्तिनाथ महोत्सवको शुभारम्भव गरिने जनाईएको छ । शारदीय नवरात्रा असोज बिजयादशमी सम्म सञ्चालीत सो महोत्सवका अवसरमा वेद,उपनिषद् , रामायण , महाभारत , पुराण,गीता , विष्णुसहस्स्रनाम लगायत स्तोत्ररत्नआदी , वैदिक अनुष्ठान गरिन लागिएको हो । विशेष गरि वैदिक सनातन संस्कार संस्कृति, श्रीशालग्राम , श्रीगण्डकी ,गोवंश , जल , पर्यावरणको शुद्धता ,सामाजिक एकता र आपसी सद्भाव राष्टि «य एकता का लागि धार्मिक महोत्सव गर्न लागिएको हो । सो महोत्सवको लक्ष्य धार्मिक पर्यटन प्रवद्धन गर्नु साथै विश्वशान्ती उदेश्य रहेको समेत जानकारी गराइएको छ । 

सो अवसरमा जडिबुटी , सर्र्वाषधि , सर्वरसयुत्त नरिवल लगायत हवन गरिने छ जसले वातावरणीय स्वच्छन्दामा समेत सहयोग पुग्ने बताईएको छ  ।