गाेरखनाथ वैदिक गुरुकुलमा आगलागी,बटुकको पुस्तक,खाद्यान्न, लत्ता कपडा सम्पूर्ण जलेर नष्ट

दाङ,२७ माघ । घोराही उपमहानगरपालिका- १७ चौघेरास्थित गोरक्ष रत्ननाथ मठको हाताभित्र रहेको गोरखनाथ वैदिक गुरुकुलमा आगलागी भएको छ।

स्थानीयका अनुसार बिहान करिव तीन बजे तिर आगलागी भएको थाहा भएको थियो।

आगलागीबाट मानवीय क्षति नभएपनि बटुकको पुस्तक, खाद्यान्न, लत्ता कपडा सम्पूर्ण जलेर नष्ट भएको छ।

बटुकको आवास तथा भोजनालय रहेको हल कोठामा विद्युत सर्ट हुँदा आगलागी भएको बताइएको छ। आगलागी भएको जानकारी भएपछि प्रहरी बटुक, साधु सन्त, दमकल तथा स्थानीय मिलेर आगो नियन्त्रणमा ल्याइएको थियो।

गुरुकुलमा २५ जना बटुक आवासीय अध्ययन गर्दै आइरहेका छन्।