दाङका तिर्थयात्री सवार स्कार्पियो भारतमा दुर्घटना हुँदा चार जनाको मृत्यु

दाङ,१५,चैत  । दाङको तुलसीपुरबाट भारतमा तीर्थ यात्राका लागि गएको स्कार्पियो गाडी दुर्घटनामा पर्दा चार जनाको मृत्यु भएको छ । बिहीबार बिहान तुलसीपुरबाट हिँडेका भारतीय नम्बर प्लेटको युपी ३१ एसी ७२०० नम्बरको स्कार्पियो गाडी भारतको बहराइचमा दुर्घटनाग्रस्त भएको हो ।

दुर्घटनामा परी चालक तुलसीपुर–७, पर्सेनीका ३७ वर्षिय युवराज चापागाई सहित चार जनाकाे मृत्यु भएकाे तुलसीपुर–७ का वडाध्यक्ष राम बहादुर जिसीले जानकारी दिए । उनका अनुसार मृत्यु हुनेमा तुलसीपुर–७ श्रीगैँ निवासी मोतिराम वलीकी ८० वर्षिया आमा समेत छिन् भने अन्य दुई जनाको पहिचान खुल्न बाँकी रहेको छ ।

गाडीमा नौ जना यात्रु सवार रहेको प्रारम्भिक जानकारी आएको छ । बाँकी यात्रु घाइते भएको बताइएको छ । प्रारम्भिक अनुसन्धानअनुसार गाडी भारतीय नम्बर प्लेटको भए पनि तुलसीपुरकै रहेको खुलेको छ । गाडीमा सवार सबै यात्रु पनि तुलसीपुरकै रहेका प्रारम्भिक अनुमान गरिएको छ ।https://www.lumbinisanchar.com/archives/121471