आध्यात्मीक पुस्तक सहित दराज हस्तान्तरण कार्यक्रम

भरतपुर, १ १, फागुन । हामीले आफूलाई सुधार्ने आवश्यक रहेको र त्यो आध्यात्मिकताबाट  नै सम्भव हुने रत्ननगर नगरपालिकाका प्रमुख प्रलाद सापकोटाले बताउनु भएको छ ।  उहाँले  आज (आइतबार) अन्तरराष्टिय कृष्णभावनामृत संघ (इस्कोन)ले भरतपुरमा  आयोजना गरेको आध्यात्मीक पुस्तक सहित दराज हस्तान्तरण कार्यक्रमलाई सम्बोधन गर्दे यस्तो बताउनु भएको हो । सो अवसरमा  उहाँले प्रतिस्पर्धाको भावनाले मन अशान्त हुने भन्दै प्रतिस्पर्धाको दौडमा नलाग्न समेत  अनुरोध गर्नु भयो । कार्यक्रमका प्रमुख अतिथिका उहाँले आफ्नो झगडालु पाराको  बिगत सम्झदै  आध्यामिकताको झुकापले आफुमा परिर्वतन आएको भनाई राख्नुभयोे । 
 
कार्यक्रममा बोल्दै सापकोटाले आध्यात्मिक ज्ञान र शिक्षालाई सँगै लैजानुपर्ने बताउनुभएको छ ।  इस्कोन कार्यलय भरतपुर ११ बसेनीमा सम्पन्न भएको  सो कार्यक्रमा   भरतपुर महानगर भित्रका ४८ वटा सामुदायिक विद्यालयलाई ५५ हजार ५ सय रुपैयाँ बराबरको आध्यात्मिक पुस्तकसहितको एक–एक वटा दराज हस्तान्तरण गरेको हो । विभिन्न व्यक्ति तथा संघसंस्थाको सहयोगमा तयार पारिएको पुस्तकसहितको दराज विद्यालयका प्रतिनिधिहरुलाई हस्तान्तरण गरिएको इस्कोन चितवनका उपाध्यक्ष गौर गोविन्द प्रसाद दासले कार्यक्रममा स्वागत मन्त्वय  दिनुहुदै जानकारी गराउनु भयो ।  दराजमा गीता, श्रीमद्भागवत, विज्ञान प्रविधि, नैतिक शिक्षा सम्बन्धी करिव ४० हजार मूल्यको ५० वटा पुस्तक रहेका छन् । यसले विद्यार्थीहरुलाई पठन संस्कृतिको विकाससंगै नैतिकवान, अनुशासित र जिम्मेवार नागरिक बनाउन प्रेरित गर्ने इस्कोन भरतपुरका उपाध्यक्ष   ममता शर्मा न्यौपानेले बताउनुभयो । उहाँले पहिलो चरणमा सामुदायिक विद्यालयमा यो दराज वितरण गरिए पनि आगामि दिनमा संस्थागत विद्यालयहरुलाई यसैगरी उनीहरुलाई दराज निर्माणमा प्रेरित गरिने कार्यक्रमलाई सहजीकरण गर्ने क्रममा बताउनु भएको छ ।  सो क्रार्यक्रममा उपस्थित  चितवन मेडिकल कलेजका प्रबन्ध निर्देशक प्रा.डा.हरिशचन्द्र न्यौपानेले यस अभियानले विद्यार्थीहरुलाई जिम्मेवार बनाउने बताउनुभयो । कार्यक्रममा नै उपस्थित प्याप्सन भरतपुरका नगर सचिव वेदराज न्यौपानेले इस्कोनको यस अभियानले विद्यार्थीको आन्तिरक क्षमता बढाउन सहयोग पुग्ने भनाई राख्नु भयो । इस्कोन भरतपुरका अध्यक्ष माधव हरिनाम प्रभुको अध्यक्षतामा भएको थियो । सो कार्यक्रमलाई समापन गर्दे अध्यक्ष  माधव हरिनामले विद्यालयहरुमा विद्यार्थीहरुबीच पठन सँस्कृतिको ह्रास आएकाले पठन संस्कृतिको विकास गर्न यो आध्यात्मिक पुस्तकसहितको दराज हस्तान्तरण गरिएको बताउनुभयो । कार्यक्रममा  ईस्कोन अन्तरराष्यि क्षेत्रिय सचिव महाविष्णु स्वामी महाराज, भरतपुर महानगपालिका वडा नं १० का वडाध्यक्ष परमेश्वर खनाल,पत्रकार महासंघ चितवनका अध्यक्ष बसन्त पराजुली लगायतले बोल्नुभएको थियो । अहिलेको समयमा भएको तिब्र विकास र त्यसको प्रभावलाई मध्यनजर गर्दै विशेष गरी किशोरावस्थाका विद्यार्थीहरुको व्यक्तित्व विकास साथै आध्यात्मिक चेतनाको विकास गर्ने उद्देश्यले सो कार्यक्रम गरिएको हो आयोजकले जनाएको छ ।