एक्सपर्टद्वारा देवघाटका वृद्धवृद्धालाई भोजन

देवघाट । एक्सपर्ट एजुकेसन एण्ड भिजा सर्भिसेजको २१औँ वार्षिकोत्सवको अवसरमा बुधबार देवघाटमा आश्रित वृद्धवृद्धाहरुलाई साँझको भोजन ग्रहण गराइएको छ ।

देवघाट क्षेत्र विकास समितिद्वारा देवघाट तनहुँमा सञ्चालित देवघाट समाज कल्याण केन्द्रमा आश्रित असहाय वृद्धवृद्धाहरुलाई एक्सपर्टले भोजन ग्रहण गराउनुको साथै फलफूल र लत्ताकपडा वितरण गरेको छ । एक्सपर्ट चितवनका अध्यक्ष घननाथ अर्याल, प्रबन्ध निर्देशक डिल्लीराम अधिकारीलगायतले वृद्धवृद्धाहरुलाई फलफूल तथा लत्ताकपडा वितरण गरेका थिए ।

सो क्रममा बोल्दै प्रबन्ध निर्देशक डिल्लीराम अधिकारीले २२औँ वर्षमा प्रवेशको पूर्वसन्ध्यामा आमाबुबाबाट आशीर्वाद लिँदै भोजन ग्रहण, फलफूल र लत्ताकपडा वितरण गरिएको बताए । एक्सपर्ट चितवनका अध्यक्ष घननाथ अर्यालले वृद्धवृद्धालाई सेवा गर्ने सबै हातलाई धन्यवाद दिए ।

देवघाट क्षेत्र विकास समितिका सूचना अधिकारी पुष्पराज पौडेलले दाताहरुकै सहयोगबाट आश्रम सञ्चालन भइरहेको बताए । उनले हेर्ने मान्छे नभएर या अन्य समस्याले एक्लो भएका वृद्धवृद्धालाई नभई विल्कुलै असाहय वृद्धवृद्धालाई मात्रै राख्ने गरिएको बताए ।

एक्सपर्टले आज अगष्ट ८ का दिन २१औँ वार्षिकोत्सव समारोह मनाउँदैछ ।: चितवन पोष्ट