कुरिनटारमा स्तन र पाठेघरको मुखको क्यान्सर सम्बन्धी निशुल्क स्वास्थ्य शिविर तथा सचेतनामुलक कार्यक्रम

चितवन,१० मंसिर । चितवनको इच्छाकामना ४ कुरिनटार स्थित इच्छाकामना आधारभूत अस्पतालमा महिलाहरुको  स्तन र पाठेघरको  मुखको क्यान्सर सम्बन्धी एक दिने स्वास्थ्य शिविर  तथा सचेतनामुलक कार्यक्रम सम्पन्न भएको छ ।

इच्छाकामना गाउँपालिका,भक्तपुर क्यान्सर अस्पताल तथा श्री याक ब्रिविङ कम्पनी प्रालि कुरिनटारको संयुक्त आयोजनामा शिविर सम्पन्न भएको हो ।

शिविरमा १८० जनाले स्वास्थ्य जाँच गराएको आधारभुत अस्पताल कुरिनटारका सिनियर अनमी निरीक्षक मञ्जु घिमिरेले जानकारी दिनुभयो । उहाँका  अनुसार १७० जनाले क्यान्सर, ३४ जनाले भिडियो एक्सरे र  १० जनाले स्तन जाँच गराएका थिए ।

 भक्तपुर क्यान्सर अस्पतालका   चिकित्सकहरुद्वारा  स्वास्थ्य परिक्षण गरेका थिए ।  स्वास्थ्य परिक्षणका साथै निशुल्क औषधी समेत वितरण गरेका थिए ।