लुम्बिनी बौद्ध विश्वविद्यालयका ३ सय २६ जना विद्यार्थीहरु दीक्षित

सिद्धार्थनगर । लुम्बिनी बौद्ध विश्वविद्यालयले विभिन्न तहमा अध्ययन गरेका ३ सय २६ जना विद्यार्थीहरुलाई दीक्षित गरेको छ  ।शुक्रवार  लुम्बिनीमा विशेष समारोहको आयोजना गरी विद्यावारिधि गरेका १२, स्नातक तह अध्ययन गरेका ३७ र स्नातकोत्तर तह पूरा गरेका २ सय ७७ जना विद्यार्थीलाई दीक्षित गरिएको हो । प्रधानमन्त्री एवं लुम्बिनी बौद्ध विश्वविद्यालयका कुलपति शेरबहादुर देउवाको अध्यक्षतामा भएको विशेष समारोहमा लुम्बिनी बौद्ध विश्वविद्यालय केन्द्रीय क्याम्पससहित विभिन्न क्याम्पसमा अध्ययन गरेका विद्यार्थीहरुलाई उपाधि दिइएको विश्वविद्यालयका रजिष्ट्रार तिलकराम आचार्यले जानकारी दिनुभयो