सीताराम मन्दिर देवघाटधामको पीठाधीशमा रामशरण दासजी महाराज

देवघाटधामस्थित सीताराम मन्दिर देवघाटधामको पीठाधीश पदमा रामशरण दासजी महाराज नियुक्त भएका छन् । मंगलवार भव्य कार्यक्रमबीच रामशरण दासजी महाराजको पदाभिषेक गरिएको हो । मणिराम दास छावनी अयोध्याका महन्त श्री कमलनयन दासजी महाराजको प्रमुख आतिथ्य परमानन्द संस्कृत गुरुकुल विद्यापीठका पूर्वछात्र रामशरण दासजी महाराज (विनायक रेग्मी)ले पदभार ग्रहण गरेका हुन् । श्रीराम जन्मभूमी तीर्थक्षेत्र न्यासका अध्यक्ष पुज्य महन्थ नृत्यगोपाल दास महाराज अस्वस्थाको कारण उहाँको उतराधिकारी महन्त १००८ स्वामी श्री कमलनयन दासजी महाराजको उपस्थित रहेको थियो । । त्यही आचार्य तहको अध्ययन सिद्ध्याएका रामशरण दासजी भारतका विभिन्न विश्वविद्यालयमा उच्च तहको अध्ययन गरेका छन् । उनि अहिले पिएचडीको तयारीमा रहेका छन् । पढाइको सिलसिलामै रहेका कारण पीठाधीश सम्हालेको रामशरण दासजी महाराज भगवान श्रीरामको जन्मभूमि अयोध्या नै फर्किएका छन् । देवघाटधामस्थित देवघाटधामहरुमा रेखदेख मणिराम दास छावनी अयोध्याको जिम्मामा हुँदै आएको छ । सो पिठका सस्थापक वलरामदास महाराजको दिबंगत पश्चात् उहाँको छोरी भगवती दासी वैश्वणीबाट आश्रमको रेखदेख हुँदै आएको छ। उहाँ पनि वृद्धा भईसक्नु भएको छ। पढाइ र योगविद्या समापनसँगै केही वर्षपछि नेपाल फर्किएर लोकमा सुख, शान्ति र मानव कल्याणको लागि अहोरात्र खटिने बताइएको छ । नेपालको लागि उनी नौलो होइनन्, केही वर्ष जगद्गुरु रामानन्दाचार्य सेवापीठमा बिताएका थिए । आश्रमको पिठाधिश चयन भएसगै , आश्रम संरक्षण र सञ्चालनमचा सहजता हुने आश्रम सञ्चालक समितिका सचिव युगनाथ लामिछानेले बताउनु भएको छ ।देवघाट धाम नेपालको एक पवित्र धार्मिक स्थल हो । गण्डकी प्रदेशको तनहुँ, चितवन, नवलपरासी तीनै जिल्लाको संगमस्थल देवघाट धामको आफ्नै विशेषता छ । देभघाटधाम नारायणगढदेखि करिव ४ कि.मि उत्तर तर्फ रहेको छ ।