व्रत बस्दा किन अन्न खानु हुदैन ? यस्तो छ कारण

एजेन्सी । हिन्दु धर्ममा पुजा आरधना र ब्रतको छुट्टै महत्व रहेको छ । सातामा कम्तीमा एक दिन व्रत बस्नु स्वास्थ्यका लागि पनि राम्रो मानिन्छ ।

दिनभरको व्रत सकिएपछि व्रतको दिन बेलुका अन्न खान नहुने मान्यता रहेको छ । तर, व्रत सकिएपछि मानिसहरु खान नहुने कुराहरु बढी खाएर पनि बिरामी पर्ने गरेका छन् । फलफूल र झोलयुक्त पदार्थ भने खान धार्मिक छुट छ । व्रतबको दिनमा प्रशस्त पानी, फलफूल र फलफुलको जुस खान सकिन्छ । व्रत बस्दा निराहार बस्दा राम्रो भएपनि स्वास्थ्यमा समस्या हुनेले यी झोलिलो कुरा खान चिकित्सकहरूले सुझाएका छन् ।

दिनभरको भोको पेटले तत्काल कडा खाना पचाउन नसक्ने भएकाले हल्का खाने कुरा खान सुझाइएको छ । लामो व्रतपछि एकैपटक धेरै खानेकुरा खाँदा शारीरिक प्रतिक्रिया उत्पन्न भएर मानिस बेहोस हुन सक्छ ।ठोस खाना मात्रै होइन, पानी पनि एक्कासी धेरै पिउनुहुँदैन । पहिले थोरै खाएर केही बेर आराम लिएपछि फेरि खानु उपयुक्त मानिन्छ । व्रत सकिएपछि आँटाको रोटि बनाई आलूसँग खान सकिन्छ । व्रतमा साबदाना शुद्ध दुध मिलाएर शुद्ध परिकार बनाएर खाँदा पनि आडिलो हुने बताइन्छ ।

व्रतमा बदाम भिजाएर दुधमा लगाएर पनि खान सकिन्छ । व्रत सकिएपछि केहि छिन रिलिफ भन्दै कोल्ड डिंक लिने बानी छ भने त्यसले मुटुमा गम्भीर खतरा पैदा गर्छ । खाली पेटमा तत्काल चिया पिउनु पनि ठीक नहुने चिकित्सकहरू बताउँछन् । यसअतिरिक्त मसलेदार खाना पनि खानु राम्रो नहुँने बताइएको छ । यो बेला रोटी, दाल, भात र तरकारी नै उत्तम हुन्छ । - एजेन्सीको सहयोगमा