विजया लक्ष्मीको जन्मदिन श्री राम जानकी वालिका आश्रमका बालिकाहरुसगं 

भरतपुर । चितवन सहायता समाज बेल्जियमका कोषाध्यक्ष भरतपुरमहानगरपालिका वडा नं ३ निवासी विजया लक्ष्मी रेग्मीले आफ्नो जन्मदिन श्री राम जानकी वालिका आश्रम कन्या गुरुकुलमा रहेका बालिकाहरुसगं मनाउनु भएको छ । उहाँले आज भरतपुर १ देवघाटमा रहेको आश्रममा पुगेर १ छाक खाना सहयोग गर्नुका साथै आश्रमको आजिवन सदस्यता ग्रहण गर्नुभएको छ । सो अवसरमा उहाँले आश्रममा संरक्षित वालिकाहरुको अभिवावक बन्न पाएकोमा खुशी व्यक्त गर्नुभयो ।

यसै गरि राप्ती नगरपालीका ५ भण्डारा निवासी पुजा कडेलले पनि आज परेको आफ्नो जन्मदिनको अवसरमा आश्रम मा १ दिनको भोजन सहयोग गर्नु भएको छ । आश्रममा हाल ३२ जना बालिका रहेका छन् । उनीहरुको आवासको लागि ३६कोठो भवन निर्माण कार्य शुरु गरिरहेको छ । निर्माणाधीन भवनका लागि सहयोग जुटिरहेको आश्रमका अध्यक्ष सावित्री माताले वताउनु हुदेे सहयोगको लागि सबैमा आग्रह समेत गर्नु भएको छ ।