स्थाई प्रहरी चौकीमा निमार्णाधिन दुर्गा मन्दिर उद्घाटन

भरतपुर १६ शरणपुरमा रहेको अस्थाई प्रहरी चौकीमा निमार्णाधिन दुर्गा मन्दिरको शनिवार महाअष्टमी पर्वको विशेष अवसर पारेर उद्घाटन गरिएको छ । जिल्ला प्रहरी कार्यलय चितवनका प्रहरी प्रमुख प्रहरी उपरीक्षक नान्तिराज गुरुङले सो मन्दिर एक समारोह बिच उद्घाटन गर्नु भएको हो । मन्दिर निमार्ण उपभोक्ता समितीका संयोजक श्री कृण्ण दवाडीको अध्यक्षतामा भएको सो कार्यक्रममा भरतपुरमहानगरपालिका वडा १६ का अध्यक्ष अमृतराज हमाल , श्री सेती देवी सामुदायिक वन उपभोक्ता समुहका अध्यक्ष नन्द प्रसाद भट्ट , पूर्व अध्यक्ष दिपक अधिकारी , सचिव दुर्गा सोडारी , , अस्थाई प्रहरी चौकी शरणपुरका प्रहरी प्रमुख आलम मित्र लगायतको उपस्थिती रहेको थियो । करिब २ लाख रुपैयामा सो मन्दिर निमार्ण गरिएको मन्दिर निमार्ण उपभोक्ता समितीका कोषाध्यक्ष विण्णु भट्ट जानकारी दिनुभयो । मन्दिर निमार्णको लागि श्री सेतीदेवी वन नगद २५ हजार सहित वालुवा ,गिटी सहयोग गरेको वन उपभोक्ता समुहका अध्यक्ष भट्टले जानकारी दिनुभयो । सो मन्दिर निमार्णका लागि कन्चनजङ्घा बचत तथा ऋण सहकारी सस्थाले १० बोरा सिमेन्ट लगायत स्थानियहरुको सहयोग रहेको मन्दिर निमाणका सचिव सोडारीले जानकारी दिनुभयो । अस्थाई प्रहरी चौकीमा शक्ति स्वरुपा दुर्गाभवानीको मन्दिर निमार्ण गरिएकोमा स्थानियहरु खुशी प्रकट गरेका छन्।