अमेरिकाका योर्कले आश्रमलाई सिउने मेसिन सहयोग

देवघाटधाम ,जेठ ३ ।असहाय तथा सडक बालिकाहरुको संरक्षण गर्दै आएको श्रीरामजानकी बालिका आश्रम देवघाटधामका बालिकाहरुको लागि अमेरिकाका रुड्ये योर्कले कपडा सिलाउने मेसिन सहयोग गर्नुभएको छ । आईतवार आश्रम परिसर देवघाटमा चितवनका समाजसेवी छाया श्रेष्ठ, रामचन्द्र खत्री , रमेश सापकोटा लगायतको समुहले सो मेसिन बालिका आश्रमलाई हस्तान्तरण गर्नर भएकोे हो । आश्रमका लागि मेसिन आवश्यक भएको भन्दै मेसिनले बालिकाहरुको फरक क्षमताको विकास हुने आश्रम का प्रमुख सावित्रि टन्डन (माता)ले बताउनुभयो । आश्रममा हाल ३२ जना बालिकाहरु रहेका छन् । लोककल्याण सेवा प्रतिष्ठान नेपालद्धारा संचालित सो आश्रम यतिखेर आफ्नै भवन निमार्णका लागि जुटेको छ । सबैको सहयोगले आश्रमको देनिक व्यवस्थापनका साथै भवन निमार्ण कार्य अगाडि बढको प्रतिष्ठानका महासचिव रामेश्वर खनालले बताउनु भयो ।